నంది

ఎవ్వడంట ఎవ్వడంటా... నిన్ను మెచ్చుకుంది

ఏ సినిమాకి ఇస్తారో  ఈ నంది కాని నంది

ఎవ్వరూ కనందీ... ఎక్కడా వినందీ

బాబు ఆన అయ్యిందేమో బావ దరికి నందియే... కదిలొస్తానంది! 



నచ్చితే నలుగురికీ చెప్పండి! నచ్చకపోతే నాకు చెప్పండి...!!

దీపావళి

నచ్చితే నలుగురికీ చెప్పండి! నచ్చకపోతే నాకు చెప్పండి...!!

సింహాలు - పులులు....

తండ్రులు - కొడుకులు, తాతలు-మనవళ్ళు, మావయ్యలు - 'అల్లు 'ళ్ళు, బాబయి లు - అబ్బాయిలు, అంకుల్స్ - కజిన్స్, బావలు - బామ్మర్దులు, బాబులు - పెద బాబులు, చిన బాబులు, బుజ్జి బాబులు, బుల్లి బాబులు, సింహాలు - పులులు....


నచ్చితే నలుగురికీ చెప్పండి! నచ్చకపోతే నాకు చెప్పండి...!!

యాక్టర్స్

పైరసీ మీద పోరాటాలు

స్వచ్ భారత్ ఆర్భాటాలు

వరద బాధితులకు సహాయాలు


వీళ్ళ సినిమాల విడుదలప్పుడే ఎందుకో ?







నచ్చితే నలుగురికీ చెప్పండి! నచ్చకపోతే నాకు చెప్పండి...!!

అత్తారింటికి దారేది ?

అత్తారింటికి దారేది ?

త్రివిక్రం గడ్డం గీసుకోడు పవన్ కళ్యాణ్ గీసుకుంటాడు అంతే తేడా !

త్రివిక్రం పంచ్ డైలాగ్స్ పవన్ పవర్ ఫుల్ యాక్షన్ కోసం కాకుండా అదో విధం గా ఉంది. గుండమ్మ కధలో సూర్యాకాంతానికి బుద్ధి చెప్పడానికి బండోడిగా వచ్చిన ఎన్ టీ ఆర్ లా నదియా బుద్ధి మార్చడానికి బండివాడు(డ్రైవర్) గా వచ్చిన లక్షల కోటీశ్వరుడు పవన్ కళ్యాణ్..

అహల్య థీం మీద కామెడీ మాత్రం త్రివిక్రం నుంచి ఎక్స్పెక్ట్ చెయ్యలేదు..

సిమ్హం పడుకునుంటే జూలుతో జడ వేయడం ..పులి తో ఫొటో తీయించుకోడం లాంటి డైలాగులు ఆల్రెడీ విన్నట్టుగా ఉన్నాయ్..

సినిమా ముందే లీకు -- ఇదివరకటితో పోలిస్తే కొంచెం వీక్  అనిపించింది.. ఏదైనా పవన్ ఫ్యాన్స్ కి కొత్త ఎక్స్పీరియన్స్..




నచ్చితే నలుగురికీ చెప్పండి! నచ్చకపోతే నాకు చెప్పండి...!!

చిత్రవధ

చిత్రవధ 

పెద్ద సినిమా అనగా పెద్ద హీరో ఉండును..ఇద్దరు ముగ్గురు హీరోయిన్లు ఉండును బాంబే విలన్లు ఉండును, ఫారిన్ లొకేషన్లు ఉండును.. ఎగిరిపడే సూమోలు..ఎగసి పడే సముద్రపు అలలు,విరిగిపడే విలన్ అసిస్టంట్లూ ఉండును  ... కావాల్సినన్ని థియేటర్లు ఉండును - టీ వీలో యాడ్లు - ఇంటర్వ్యూలు - ఊరినిండా పోస్తర్లు ఉండును


ఇక ఉండనివి : కధ - లాజిక్ - వారం తరువాత ఆడియన్స్ ..

చిన్న సినిమా అనగా - క్రియేటివ్ గా ఉండును...యాక్టర్లు-ఆర్టిస్ట్లు ఉండును - కధ ఉండును - లాజిక్ ఉండును - వారం తరువాత నుంచి ఆడియన్స్ ఉండును -

చిన్న సినిమాకి ఉండనివి : ఎగిరిపడే సూమోలు - హెలికాప్టర్లు - తీవీ లో ప్రోమోలు - ఇంటర్వ్యూలు - రిలీజ్ చేసుకోడానికి థియేటర్లు - సినిమా బయటకు రావడానికి బడ్జెట్టు..








నచ్చితే నలుగురికీ చెప్పండి..నచ్చకపోతే నాకు చెప్పండి
 

స్వామి భక్తి కి పరాకాష్ట బాడీగార్డ్

హీరో బాడీ గార్డ్ కాబట్టి.. హీరో చుట్టూనే తిరుగుతుంటుంది కధ..గవర్నమెంటాఫీసు నుంచి వచ్చే ఉద్యోగం గా ప్రైవేట్ సెక్యూరిటీ సెర్వీసెస్ లోని మహా  బలశాలి బాడీ గార్డు. తను కాపాడిన వాడు ఎవరో తెలీని స్వామికోసం ఏదైనా చేయాలనుకునే నమ్మకమైన బాడీగార్డు..షరా మామూలుగా ఎంగేజ్  మెంట్ ఐపోయిన అమ్మాయిని చేసుకోవడమనే సెంటిమెంట్ నిలబెట్టుకున్నారు విక్టరీ వెంకటేష్ గారు. పలీ బూతు కామెడీకి వేణుమాధవ్ నాటు కామెడీ తోడై..అటు ఆడా..మగా కాని వేషాలేసిన కామెడీతో కలిపి..కడుపు తిప్పుతుంది. కాస్త కామెడీ.కాస్త సెంటిమెంటు.కాస్త రొమాన్సు కలిపి..ముసలి హీరో..పడుచు హీరోయిన్లు..చివరకి హీరో హీరోయిన్ కలవాలి కాబట్టి 10 యేళ్ళ పిల్లాడి మెచ్యూరిటీకి మెచ్చి..పెళ్ళీ పెటాకులు లేకుండానే పట్టుచీర కట్టుకుని బయలుదేరే హీరోయిను..పాపం సినిమా అంతా హీరోయిన్ పక్కనే తిరిగి..ఇద్దరినీ కాపాడడానికి తన జీవితాన్ని త్యాగం చేసిన రెండో హీరోయిన్ కాన్సర్ తో చచ్చిపోయి బతికిపోతుంది.. అసలు హీరోయిన్ ని చేసుకుందామనుకున్నాయన ఏమైపోయాడో తెలీదు. ఇంట్లో మొగుడికి తెలీకుండా 10 యేళ్ళ పిల్లాడికి డైరీ దొరికేలా ఎలా చేస్తుందో తెలీదు. రైల్లో చదూతూ వస్తుంటే కూడా ఎవరూ ఎందుకు చూడరో తెలీదు. లేడీస్ బాత్ రూంలోకి..హాస్టల్ లోకి వెళ్ళే హీరో గారి కామెడీ..ప్రిన్సిపాల్ అన్నా లెక్చరర్ అన్నా జోకర్ గా చూపించే కామెడీ.  కధ ఎలా ఉంటుందో సింబాలిక్ గా లాస్ట్ సీన్ లో చెత్తబుట్టలోంచి ఏరుకొచ్చిన డైరీ చూపించారు.. మధ్యలో పాటలెన్ర్దుకొస్తాయో సమయం సందర్భం లేకుండా..అర్ధం కాదు. రెండు పాటలమధ్యలో ఫైటు ఉండాలి కాబట్టి ఒక రివెంజు..పార్కులు,,,సినిమాలు..కాలేజీలు తిరుగుతున్నా జరగని గొడవలు...అప్పుడప్పుడూ వచ్చి వెళ్తుంటాయి. ఏంటో నాకు సినిమాలు చూడ్డం ఎప్పటికి వస్తుందో..? ఈ మధ్య పంజా గురించి రాస్తే...నాకసలు సినిమా చూడ్డం రాదని..మ్యూజిక్ అద్భుతంగా ఉంటే వినడం చేతకాక బాగాలేదన్నాని నన్ను తిట్టిపోసారు..పవర్ స్టార్ గారి అభిమానులు కొందరు.. వాళ్ళు ఇప్పటికి ఎన్ని సార్లు చూసారో ఆ సినిమాని..పాపం ఆ భగవంతుడికే తెలియాలి. 







నచ్చితే నలుగురికీ చెప్పండి..నచ్చకపోతే నాకు చెప్పండి

సినీ ఓదార్పు యాత్ర

సినీ ఓదార్పు యాత్ర

ఇదీ ఓ రకం రాజకీయ ఓదార్పు లాటిదే. కాకపోతే ఇక్కడ సినిమా(ఆడక)పోతే, మా సినిమా ఎక్కడికీ పోలేదూ, అభిమానుల గుండెల్లో ఉందీ, జనాలు రాని ధియేటర్లలో ఉంది..ఎలాగైనా రికార్డులు సృషిటిస్తాం సృష్టిసుతున్నాం అంటూ ఓదార్పు సారీ విజయ యాత్రలు సాగిస్తారు(తున్నారు) మన సినీ జనాలు.

రాజకీయాల్లో లాగానే సినిమాల్లోనూ వారసత్వాలే పౌరసత్వాలుగా...అందిపుచ్చేసుకుని..తాత..తండ్రి తరువాత దిగిపోతున్నారు హీరోలు. వాళ్ళకి నటన అలవాటు కాకపోయినా మనం వాళ్ళ నటనకు (ఇది ఫలాన హీరో స్టయిల్) అలవాటుపడీపోతున్నాం ".

హీరో అంటే అన్నిరకాల అవలక్షణాలూ ఉండాలి..ఎంత ఎదవైతే అంత మాసు ... మరి శంకరాభరణం అన్ని క్లాసుల్లోనూ ఆడింది.. ఏదో ఒక ఫార్ములా హిట్టైతే ఇక అదే ఫార్మూలాలు పెట్టేసి సినిమా తీసేసి జనాలమీద తోసేసి ఆడలేక మద్దెల ఓడన్నట్టు..పైరసీనో ఇంకేదోనో అని జనాలమీద పడటం. సినిమా హీరోలో రేట్లు పెంచేయడం..నిర్మాణం కాస్టు పెంచేయడం..తమిళనాడు నించీ డైరెక్టరు, కేరళ నుంచీ స్టోరీ, బాంబేనుంచీ హీరోయిను., విలన్ లని తెచ్చి ... ఏదో ఒకటి తీసేసి..పోనీ అదీ ఏమైనా త్వరగా వస్తుందా అంటే 2 యేళ్ళు, 3 యేళ్ళు...మరి ఖర్చుపెరగక చస్తుందా...ఎలాగూ అభిమానులు మొదటి వారం ఎగబడి చూస్తారు కాబట్టి టికెట్లు రేట్లు పెంచేసి..అటు టిక్కెట్ల కుమ్ములాటలో కాకపోయినా సినిమా చూశాక చొక్కాలు చించేసుకుని.. జుట్లు పీకేసుకుని బయటకు పరుగెత్తుకొచ్చేసి..మళ్ళీ పిచ్చి అభిమానంతో రెండో సారో ...మూడో సారో ఐనా అర్ధమౌతందునుకుని మళ్ళీ మళ్ళీ చూసే  అమాయకులుంటారు కాబట్టి .....తీసేయడం....ఇక అది ఆడదని ఒకటో ఆటకే తెలిసిపోతుంది కాబట్టి ఆరోజు మధ్యాన్నం నుంచే న్యూసు చానెల్సు..ఎంటర్ టైన్ మెంట్ చానెల్స్ అని తేడాలేకుండా గంటకో ఇంటర్వ్యూ...రోజుకో చర్చ...వారోనికో కాంటెస్టూ రన్ చేసి..ఇవీ చాలదన్నట్టు యూనిట్ మొత్తం పొలో మని బస్సు యాత్రలు..ధియేటర్లకి..కనీసం వాళ్లని చూడడానికైనా వస్తారని.

ఇక రోజూ గోడల మీద చూస్తే.. ఎవరో పోయినోళ్ళ పేపర్ అడ్వర్టైజ్ మెంటులాగా ఒకటో "రోజు  " పదో 'రోజు " 13వ 'రోజు " అంటూ పోస్టర్లు.. వాటికి బొట్లు దండలూ బోనస్.. చేతులు కాలాక ఆకులు పట్టుకున్నట్టు ..సినిమా పోయాక జనాలని పట్టుకునే ప్రయత్నం కన్నా..హీరోలని గాల్లోంచి భూమి దింపిన కధలు..జనాల కు దగ్గరగ ఉండే సినిమాలైతే  చూస్తారేమో

నచ్చితే నలుగురికీ చెప్పండి..నచ్చకపోతే నాకు చెప్పండి

మర్యాద జక్కన్న

మర్యాద రాజన్న..మర్యాద జక్కన్న...మర్యాద రామన్న
 ఏమనాలో తెలీదు కానీ...చాలా కాలం తరువాత ఫ్యామిలీతో అంటే..అమ్మా నాన్నా భార్యా బిడ్డా కలిసి కాసేపు హాయిగా నవ్వుకునే సినిమా చూసిన ఫీలింగు కనిపించింది..అనిపించింది..ఈ సినిమా చూసినంత సేపూ..

మగధీర లేకాదు మర్యాద రామన్ననూ తియ్యగలను అనిపించుకున్నాడు జక్కన్న ఉరఫ్ స్యూర్ సక్సెస్ రాజమౌళి.

ఎంత సేపు కడప లో మొదలయ్యే కధలు..టాటా సూమోలు పేలడం..కత్తులు బాంబులే కాదు గడపలోపల జరిగే మర్యాద..మర్యాదకు..ఆచారానికి వాళ్ళిచ్చే మర్యాద..బాగా చూపించారు.

తెలుగు అమ్మాయి కాకపోయినా రాజమౌళికి చిక్కిన జక్కన్న  చెక్కిన సలఒని బాగానే ఉంది..ఎక్స్పోజింగు కాదు ఎక్స్ప్రెషన్ ముఖ్యం అని గుర్తించిన అతి కొద్ది మంది డైరెక్టర్లలో రాజమౌళి ఒకడు..అతి అనిపించకుండా శృతి మించకుండా,,అందం గా చూపించారు..

ప్రభుదేవాకే డ్యాన్స్ నేర్పిన సునీల్ డ్యాన్సులు బాగా చేశాడు..

పౌరుషాల కోసం చంపుకోవడమే కాదు..ఆచారం కోసం మర్యాద కోసం విలువనిచ్చే కొత్త కడపని చూపించారు..ఏంటో చాలా కాలం తరువాత ఒక సినిమా గురించి పాజిటివ్ గా రాసేస్తున్నా..

ట్రైన్ ఎపిసోడ్ ఇంకా ఉంటే బాగుండేదనిపించింది...ఈ చిత్ర రచయిత కాంచీ గారు ఉన్న కాసేపూ బాగా నవ్వించారు..

పాపం బ్రహ్మాజీ ఏమయ్యాడో లాస్ట్ లో అర్ధం కాలేదు..చావు వెంటపడుతుంటే ఎక్కడ లేని శక్తి వస్తుందని...టాటా సూమోని డామినేట్ చేసే సైకిల్ చేజ్ చూపించింది..

మొత్తానికి సునీల్ పారిపోవడానికి తిరిగినన్ని మలుపులు లేకుండా..వర్షం పడ్డప్పూడు హైదరాబాదులోని రోడ్లంత గతుకులు అతుకులు లేకుండా..స్ట్రైట్ గా నీట్ గా ఉన్న మర్యాద రామన్న...నాకు నచ్చింది..మా ఇంట్లో నలుగురికీ నచ్చింది.
ఫార్ములా ప్రకారం..ఓ మమైత్ ఖాన్ పాట..రెండు టాటా సూమో బ్లాస్ట్లు..లేకుండా..ప్రశాంతం గా తీసిన ఈ సీమ సినిమా 500 వందల ఏళ్ళు పూర్తి చేసుకున్న "రాయలు "వారు ఏలిన రాయల సీమ పై వచ్చిన ఓ మంచి సినిమా గా చెప్పుకోవచ్చు..ఇంటిల్లిపాదీ చూసెయ్యొచ్చు..

నచ్చితే నలుగురికీ చెప్పండి..నచ్చకపోతే నాకు చెప్పండి

ఆస్ట్రో ప్లస్

ఆస్ట్రో ప్లస్

ప్రపంచ కప్ ఫుట్ బాల్ గురించి మాట్లాడుకున్నప్పుడల్లా..ఆక్టోపస్ గురించి మాట్లాడారు జనాలు..ఆ ఆక్టోపస్ గురించి ఊళ వేసి మరీ చెప్పారు. అదే మనం చెప్తే మన జ్యోతిష్యాన్నీ ఇతర శాస్త్రాలని హేళణ చేస్తారు.

జెండాలు పెట్టిన పెట్టె ముట్టుకుంటే గెలుస్తున్నాయని..ముందే విజేత ని నిర్ణయిస్తుందనీ చెప్తే..ఆహా ఓహో అంటూ వింటున్నారు.

మరి సుర్యోదయం సమయం..గ్రహణం ఎప్పుడొస్తుంది..వర్షం ఎప్పుడు పడుతుంది..అన్ని చెప్పే మన జ్యోతిష్యాన్ని ఎందుకు అపహాస్యం చేస్తారో అర్ధం కావట్లేదు.

ఏ దుర్భిణిలు(టెలిస్కోపులు),,క్యాలిక్లేటర్లు.. కంప్యూటర్లు లేని రోజుల్లోనే ఖగోళ శాస్త్రాన్ని ఔపోసన పట్టి ఏది ఎంత దూరం లో ఉంది..గ్రహాలెన్ని ..వాటి ప్రభావం ఎలా ఉంటుంది ..అని చెబితే మనవాళ్ళని పిచ్చివాళ్ళన్నారు..అదే జోడియాక్ సైను..వర్గియో...కాన్సరు..అంటే మాత్రం...యా యా నేనూ వర్గియో నే..అందుకే సెన్సిటివ్ అంటూ తాళం వేస్తారు.

మన రుతువులు..వర్షాలు..ఎండలు..పండగలు.అన్నీ ప్రకృతి తో పాటు ప్రయాణిస్తాయి.. ఖచ్చితంగా ఎప్పుడొస్తాయో మనకి తెలుసు..అదే ఒక సారి డిసెంబర్ లో వచ్చే చలికాలం..ఒక సారి జనవరిలో మరో సారి నవంబరు లో వస్తాయి మన తెలుగు మాసాల్లో మాత్రం ఖచ్చితంగా ప్రతీ సారి చైత్రం లోనే ఎండాకాలం మొదలౌతుంది..ఉగాది నుంచే వసంతం మొదలౌతుంది..మన జీవనం ప్రకృతితో సహజీవనం..

ప్రతీ పండగకి..అది చేసుకునే విధానానికీ ఒక విశిష్టత ఉంది.. ఆరోగ్య సూత్రాలున్నాయి..ప్రకృతి నియమాలున్నాయి.

శాస్త్ర రూపం లో చెబితే కలకాలం..చదువురాని వారికి కూడా అర్ధమవుతుందని అప్పట్లో అలా చెప్పి ఉండొచ్చు...కానీ మన శాస్త్రాలు..విద్యలు..వేదాలు..అన్నిటికన్నా విలువైనవని ఇప్పటికైనా గుర్తించాలి..



 

నచ్చితే నలుగురికీ చెప్పండి..నచ్చకపోతే నాకు చెప్పండి

ఆర్యా థూ

 ఆర్యా థూ

దీనికి ఇంతకన్నా మంచి పేరు నాకు తోచలేదు. ఒక అద్భూతమైన  ముక్కోణపు ప్రేమ-స్నేహం-పైత్యం-త్యాగం-మూర్ఖత్వం- ల సమ్మేళణం గా మలచిన విచిత్ర రాజం అనిపించిన సినిమా.

అసలు ఆర్య లోనే ఆ పాయింటు అర్ధం కాక తికమక పడ్డా. ఇప్పుడు ఈ రెండో భాగం చూశాక అసలు వీళ్లకి ఇలాంటి ఆలోచనలు ఎలా వస్తాయో అని అర్ధం కాలేదు.

ఇద్దరు ప్రాణ స్నేహితులుంటారు.అంటే ఒకళ్లకోసం ఒకళ్లు ప్రాణాలిచ్చేంత అని అపార్ధం చేసుకోకూడదు. వాళ్ల విచిత్ర స్నేహం తో మన ప్రాణం తీస్తారని అర్ధం. హీరో ఎవరికీ తెలీకుండా తాగిన, వాగినా, జనాల్ని కొట్టినా, సైటు తిట్టినా, హీరో కాబట్టి గ్రేటు..ఆయన గ్రేట్ నెస్ చూపాలంటే ఇంకోణ్ని వెధవని చెయ్యాలి. అంత ప్రాణ స్నేహితులు..ఎప్పటికప్పుడు హీరో ఫ్రెండు చెడ్డవాడిగా పనికిరానివాడిగా, చూపిస్తూ హీరోగారు మాత్రం మిస్టర్ పెర్ఫెక్త్ గా నిలుస్తుంటాడు. ఆయనంటే ఎంత గురి అంటే..హీరో లిఫ్టులో ముద్దు పెట్టాడు అని హీరోయిన్ చెప్పినా అదేదో టీ వీ లో టెలి బ్రాండ్ ఎడ్వర్టైజ్ మెంట్ లా చూసి నవ్వుకుని వెళ్లిపొతారు. ఆయన మాత్రం ఎంచక్క లేడీస్ టాయ్లెట్ లోకెళ్ళి మందు కొట్టి, ఆవకాయ నంచుకుని..బయటకొచ్చి బుడ్డిమంతుడు సారీ బుద్ధిమంతుడిలా నుంచుంటాడు..ఇక్కడా హీరోయిన్ పాపం బకరీ అవుతుంది..వీరి పైత్యానికి సపోర్ట్ గా బ్రహ్మానందం బ్యాచి, ఓ ముసుగు కారు,,మరిన్ని వింతలు..

ఇక హీరోగారు, హీరో ఫ్రెండు గారు సిగరెట్ మీద సగం సగం పేరు రాసుకుని..సగం సగం పంచుని, తాగుతూ, ఆ బూడిద మనమీద వేస్తుంటారు. ఒక సిగరెట్ తాగినట్టుగానే ఒక అమ్మాయినే ప్రేమిస్తారు. చివరికంటా సిగరెట్టులానే మార్చి మార్చి పంచుకుంటారు. స్నేహం కోసం ఏమైనా చేసే..మన హీరో గారు హీరోయిన్ ను ఫ్రెండ్ కి అందించడానికి వాళ్ళ ఊరు వెళ్తాడు. మామూలుగానే ఫాక్షన్ లీడర్ గారైన హీరోయిన్ తండ్రిగారు...తాను మీ అమ్మాయి ప్రేమికుడిని అని చెప్పినా హీరోని ఏమీ అనక పోగ..అప్పట్నుంచీ హీరో ఏం చెబితే దానికి తల ఊపి, పెళ్లి చెడిపోయిన తరువాత తన కూతుర్నిచ్చి పెళ్ళికూడా చేస్తాడు.
ఇక ఇక్కడనుంచీ హీరో గారి హీరోయిజం ముందు మన భారత దేశం, మన సంప్రదాయం, పెళ్లి పై ఉన్న అభిప్రాయం, ఇవన్ని చిన్నబోతాయి. పెళ్లి చేసుకున్న తన భార్య ఐన ప్రియురాలిని..ఫ్రెండుకిచ్చి పంపించేసి మామ గారింటికి వెళ్లి పోతాడు మన హీరోగారు. ఫ్రెండుని ప్రియురాలిని అమెరికా పంపించడానికి అన్ని ఏర్పాట్లూ చేసేసి..పాపం ఫ్రెండు సిగరెట్టు మానెస్తాడేమో అని సగం సిగరెట్ట్లు తాగెసి పోగేసి హీరోయిన్ కం ప్రియురాలికి గిఫ్టు ఇస్తాడు. ఆ త్యాగం, చూసి చెలించిన చెలి అదేనండీ ప్రియురాలు తండ్రికి ఫోను చేసి పిలిపిస్తుంది..ఫ్రెండు ని పొడవబోయి అల్లుణ్ణి పొడుస్తాడు.
హాస్పటల్ లో జ్`నానోదయం అయిన ఫ్రెండు ప్రియురాలిని భర్తకి ఒదిలేసి కధ సుఖాంతం చేస్తాడు. ఆహా ఆక్సిజన్ సిలిండర్ ఆపినా బతికే హీరోగారు..ఎవర్ని ప్రేమించిందో తెలీని హీరోయిన్ కలిసిపోతారు. గ్రేట్ ఐడియా...

రింగ రింగ పాటలో అర్ధం బాగాలేదని గొడవ చేసిన.. వారికి  ..సినిమా చూస్తే ఇంక ఏమనిపిస్తుందో..మరి. అసలు సెన్సార్ అన్నది ఉందా. వారి పనేంటో..సినిమాలో సీనులు చూసి దాని బట్టి సర్టిఫికేట్ ఇవ్వడమేనా..ఇలాంటి అద్భుతాలు కనిపించినప్పుడు పట్టించుకోరా. హీరోలు...దర్శకులు వాళ్లకేది అనిపిస్తే అది తీసేసి జనం మీదకి తోసెయ్యడమేనా..పాట లో మార్పులు చేసారు.సినిమాలో, కానీ అప్పటికే విడుదలైన సీడీల మాటేమిటి..ఇక నుంచీ ఆడియోకి కూడా సెన్సారుండాలా విడుదల కి ముందు ఎవరైనా విని ఓకే చేసే పరిస్థితి వస్తుందా.? అసలు పైత్యానికి పరాక్ష్టగా ఉన్న వీళ్ల ఆలోచనలు ఎప్పుడు మారతాయో..ఎనిమిదేళ్ల అబ్బాయి ఏదో రసాయన చర్యలతో పెద్దగా ఐపఓయి. పెళ్ళి చేసుకుని, ఒక పూట చిన్నగా, ఒక పూట పెద్దగా ఉండే లాంటి కధలల్లే అపర మేధావులు, స్నేహం కోసం భార్యని త్యాగం చేసే మిస్టర్ పెర్ఫక్ట్ గార్లు, అబ్బ తెలుగు సినిమా పతాకం ఎక్కడో రెప రెప లాడుతోంది. రేపటి రోజు సినిమా తలుచుకుంటే భయమేస్తోంది.




నచ్చితే నలుగురికి చెప్పండి..నచ్చకపోతే నాకు చెప్పండి

యాక్ నిరంజన్

 యాక్ నిరంజన్

ఈ సినిమా మొదటి రోజునే చూసేసా. కానీ తేరుకుని ఈ పోస్టు రాయడానికి ఇన్ని రోజులు పట్టింది. అసలు వీళ్ళేమనుకుంటారో అర్ధం కాదు. బిల్లా సినిమాలో హీరోయిన్ లకి బికినీలేసి సారేమో తెల్ల సూట్లేసుకుని మలేసియానో అదేదో దేశం లో అటూ ఇటూ తిరిగాడు..ఇందులో ఏకంగా బేడీలు బొడ్లో దోపుకుని రౌడీల వెంటబడతాడు. ఏమిటో అంతా జగన్నాధుని మాయ.

నేను బాగా చూసి అర్ధం చేసుకున్న విషయం ఏమిటంటే ,.ఈయన చిన్నప్పుడు అంటే కొంచెం పెద్దయ్యాకే..ఏ పోలీసు ఉద్యోగం కోసమో ట్రై చేశాడు ...కానీ అది రాలేదు..అని. ఎందుకంటే ..ఈయన గారి మొదటి సినిమా..బాచి లో జగపతి బాబు పోలీసు...(అనచ్చోలేదో) అమెరికా స్టైల్లో తెల్లటి డ్రస్సు..చొక్కాకి రెండు తుపాకులు .....ఊ అంటే అది తీసి ఆయన ఫైరింగు. ఇక ఇడియట్ లో ఐతే ఆయన మోటో పోలీసు ఆఫీసర్ అవడమే..పోకిరి డిటో ఆల్రెడీ పోలీసు..కానీ పోకిరి..ఇప్పుడు ఇందులో చిన్నప్పడు ఒకణ్ణి పట్టించి.ఒకరూపాయి అందుకున్న పాపానికి (మన పాపానికే) పెద్దయ్యేసరికి పోలీసు ఇంఫార్మర్ గా(దీనికి సార్ ఇంకేదో పేరు కూడా పెట్టాడు) బేడీలు కూడా వేసే స్థాయిలో  మన హీరోగారు. హీరోయిన్ సరే సరి పాపం గిటారు నేర్పుతూ ఉంటుంది కొంత మంది పిల్లలకి..చాలా పేద పిల్ల కావడం వల్ల పాతిక వేల రూపాయల గిటారు కొనుక్కోవాలి కాబట్టి చిన్నప్పటి గౌన్లు అవీ వేసుకుని..గిరజాల జుట్టూ...కెనెటిక్ బండీ (సుమారు నలభై వేలుండదూ)
అన్నని చితక్కొట్టి జైల్లో పడేసిన హీరోగారి ప్రేమలో పడి..ఇంక ఆ తరువాత ..!!!!

సొంత గాంగులో వాళ్లని కూడా సరదాకో..దురదకో..ప్రాక్టీసుకో..పైత్యానికో చంపేసే విలన్ గారు మన హీరోగారు ఎన్నిసార్లు..ఏమి చేసినా..ఊరుకుని..చివరివరకు  తన్నులు తింటుంటాడు. ఆలి లేని లోటు తీరచాడు సినిమాకి.
తల్లిని ఏదో అనడం...చెయ్యడం..తండ్రిని చంపడం..లాంటివీ షరా మామూలే.వీరి సినిమాలో..
ఇంకో ట్విస్టు...అసలే రకరకాల ప్రాబ్లెంసు..వీసా గొడవలు..విదేశీ ప్రయాణాలూ కష్టంగా ఉన్న ఈ రోజుల్లో..హీరోగారికి ఫోనొచ్చిన మరుక్షణం పోలీసులకో ఇంటర్పోల్ వాళ్లకో అన్నట్టుగా...మరుక్షణం సార్ బాంకాక్ లో ప్రత్యక్ష్యం. ఆదిత్యరాం టికెట్ పెట్టినా...వీసా పాస్పోర్ట్ ఎవరిచ్చారో ? మరో వింతేమిటంటే బాంకాక్ లో పబ్బులో మైకేలు జాక్సన్ గారికి తెలుగు నివాళి.ధన్య జీవి,,,మన పూరీ గారికి మైకేలంటే చాలా ఇష్టమట..అందుకే వాళ్లింట్లో రెండు కుక్క పిల్లల్లో ఒకటి జాక్సన్ మరోటి మైకేలూను. బాగు బాగు....భౌ భౌ సంగీత సార్వాభౌ ' ముడు కదా.

హీరో అనగా...చింపిరి జుట్టు..మాసిన గడ్డం,,,,చదువు సంధ్య లేకపోవడం...సిగరెట్టు..మందు కొట్టడం..దేవుణ్ని నమ్మకపోవడం..దొరికిన వాణ్ని తన్నడం...వగైరా పూరీ మార్కు హీరో లక్షణాలన్ని ఉన్న యాక్ నిరంజన్ కు జోహార్.



నచ్చితే నలుగురికి చెప్పండి..నచ్చకపోతే నాకు చెప్పండి

'జత' దినోత్సవాలు

ఊరంతా ఒకటే హడావిడి..హైదరాబాద్ లో ఆర్ టీ సీ క్రాస్ రోడ్డులో ఒక ధియేటర్ లో అంతా హడావిడి గా ఉంది. బానర్లు రెప రెపలాడుతున్నాయ్. అభిమానులు గోల గోల గా తిరుగుతున్నారు. పూల దండలు.కొబ్బరికాయలు, పాటల సౌండు..ఒకటేమిటి అంతా రచ్చ రచ్చ.
అన్నిటికీ కారణం ఒక పెద్ద హీరోగారి అబ్బాయి మొదటి సినిమా రెండోరోజుకావడమే.

ఇవన్నీ 'జత ' దినోత్సవ వేడుకల హడావిడి. సినిమా రిలేజు కాకముందే..మా సినిమా 100 రోజులు ఆడేస్తుంది..అని 'హ్రుదయం ' ఇంటిపేరుగా మారిపోయిన నిర్మాత గారు ప్రకటించేసారు. ఆయనకి ఇది వరకు డిస్టిబ్యూటర్ గా అనేక సినిమాల 100 రోజుల షీల్డులు అందుకున్న అనుభవం తో...అలా చెప్పారు. ఇండియాలో.ఫారిన్ లో కలిపి ఎన్నో? (వాళ్ళకి కూడ తెలీదు) ప్రింట్లు రిలీజు చేసి...తిరిగొచ్చిన డబ్బాలు..తిరిగి రాని డబ్బాలు(డబ్బులు అనాలేమో?) లెక్క కట్టి మొత్తం వందరోజులు అనుకోవచ్చో? లేక అన్ని ధియేటర్లూ కలిపి..ఆడిన రోజులులెక్క కట్టాలో మరి.
వెనకటికి ఆత్రేయగారు ఒక సినిమా నాలుగు వారాలు ఆడుతుంది అని చెప్పారట! తీరా చూస్తే ఆ సినిమా నాల్రోజుల్లోనే ఎత్తేసారట. అదేంటండీ అంటే నేను చెప్పింది నిజమే నాయనా,,నీకర్ధం కాలేదు...శుక్ర వారం, శని వారం, ఆదివారం, సోమ వారం మొత్తం నాలుగు వారాలు అంటూ 'ముసి ముసి ' నవ్వులు నవాడట మనసు కవి.

ఇహ ఈ సినిమా విషయానికొస్తే,,,,జత దినోత్సవ ఏర్పాట్లు బాగా జరుగుతున్నాయి ...కారణం ..సదరు హీరోగారి తండ్రిగారు...హీరోయిన్ గారి తల్లిగారూ, హీరో..హీరోయిన్ను. మ్యూజిక్ ఇచ్చినాయన..ఇలా అందరూ వస్తున్నారట. మర్నాడు విజయ యాత్ర కూడా ఉండడం తో..హడావిడి అలా ఉంది.
అందరూ ఎదురు చూస్తున్న టైము రానే వచ్చింది..హీరో అండ్ బాచ్ వచ్చేశారు.నడుస్తున్న సినిమ ఆపేసి..దండయాత్ర కార్యక్రమం అదే దండలు వేసే కార్యక్రాం..అయిపోయాక..హీరో గారి తండ్రి గారు..ఇన్నాళ్ళూ నన్ను భరించారు ఇక మా అబ్బాయిని మీ మీదకి వదులుతున్నా . ఇక మీ ఇష్టం అంటూ చేతులూపాడు. హీరోయిన్ తల్లి..మాట్లాడుతూ...హీరోగారి ఫాదర్ తో నేను ఇంతకు ముందు హీరోయిన్ గా చేసా ఇప్పుడు మా పిల్లలు కలిసి చేస్తుంటే 'ఆ ' రోజులు గుర్తొస్తున్నాయి అంటూ తెగ సిగ్గు పడిపోయింది.

హీరోయిన్ స్టేజి మీద కి వచ్చింది..ఆవిడ ఎటు చూస్తోందో కెమెరా వాళ్ళకి కూడా అర్ధం కాలేదు.ఆమె మొదలెట్టింది. అమ్మా వాడు నిండా పెద్ద హీరోయిన్ ఉంది..అప్పుడు. అంకుల్ నాకు హీరోయిన్ చేసినందుకు హాప్య్..అండ్ తాంక్స్..హీరో చాలా కోపరేటివ్....నేను ఒక కన్ను టాలివుడ్..ఒక కన్ను కోలివుడ్(తమిళ సినిమా) మీద పెట్టా అందుకనే ఇలా కనిపిస్తుంది అని మెల్లగా తన మెల్ల రహస్యాన్ని చెప్పింది
ఇక మ్యూజిక్ డైరెక్టర్ మాట్లాడుతూ ,,, when I heard the story , I was inspired and gave music in one day అంటూ హిందీ సినిమా కోసం చేసి హైద్రాబాద్లో తన ఆల్బం మర్చిపోయిన తన పీ యే ని తిట్టుకుంటూ ....చెప్పేసాడు.
ఇక హీరోగారి వంతు...ఈ రోజు కోసమే..ఈ రోజు కోసమే 23 ఏళ్ళు గా ఎదురుచూస్తున్నా..చదువుకుందామనుకున్నా..అబ్బలేదు..స్పోర్ట్స్ మెన్ అవుదామనుకున్నా కష్టపడలేను..బిజినెస్ చేద్దామనుకున్నా చేతకాలేదు...అందుకే ఇక హీరో అవుదామనుకున్నా...అయిపోయా....తాంక్స్ టు తాత,,,,నాన్న...తాంక్స్ టు హృదయం అంకుల్ ....తాంక్స్ తొ మీకందరికి...అంటూ ఇంగ్లీషు..తెలుగు కలిపి అనేసి చెయ్యి చూపించేసి..బయలుదేరాడు.

తనకి సినిమా సినిమాకీ గుండెపోటు వస్తుంది కాబట్టి హృదయం ప్రొడ్యూసర్ అంటారు అనీ...ఆ సినిమా తీసినందుకు కాదని చెబుదామనుకుని...తనకి చాన్స్ రాకపోవడం తో రేపటి విజయ యాత్రకు కావాల్సిన ఏర్పాట్లు చేసుకోవడానికి బయలుదేరాడు ఆ ప్రొడ్యూసర్.
ఏమో శత దినోత్సవాల రోజులు పోయి ఇలా జత దినోత్సవాలు వస్తాయేమో కూడా
చూశారా మరి.




నచ్చితే నలుగురికి చెప్పండి..నచ్చకపోతే నాకు చెప్పండి