Welcome

స్వాగతం శుభస్వాగతం ఏ దేశమేగినా ఎక్కడున్నా...తెలుగు జెండా ఎగరేస్తున్న తెలుగు వారి కోసం సరదాగా కొన్ని కబుర్లు....ఆనందించండి..అశీర్వదించండి.....నచ్చితే నలుగురికి చెప్పండి..నచ్చకపోతే నాకు చెప్పండి......Welcome to FunCounter Telugu Laughter Channel....Just for Fun........Telugu Satire, www.funcounterbyphani.blogspot.com

గురువారం, జనవరి 07, 2010

గ్లాస్ బ్రేకింగ్ న్యూస్ - టీ వీ 2010

గ్లాస్ బ్రేకింగ్ న్యూస్ - టీ వీ 2010

2020 మ్యాచుల ఈ రోజుల్లో ప్రభుత్వము..పార్టీలు కలిసి కూడా మనతో అల్లాంటి ఆటలే ఆడుతున్నాయి.
ఎంచక్కా బియ్యం..ఆఫ్ సెంచరీ నాటవుట్
కందిపప్పు సెంచరీ నాటవుట్
ఇప్పుడే దిగిన బస్సు "యువరాజ్"లా ఎడా పెడా బాదుడు స్టార్టు..దెబ్బకి బంతి(మనం) ఎక్కడ పడతున్నామో కూడా తెలియట్లేదు.

ఒకప్పుడు..ఐదేళ్ళు ఉండే ప్రభుత్వాలు..ఈ మధ్య త్వరగా మారిపోతున్నాయి..ప్రస్తుతం..ప్రాంతాల కుమ్ములాటల్లో పని లేని వాళ్ళు కూడా చేరి..పని కోసం ఎదురుచూసే అభాగ్యులకు పని లేకుండా బంద్ చేస్తున్నారు. అసలు పోరాడేది ఎందుకో, ఎవరి కోసమో, ఎవరితో అన్నది అర్ధం కాక అమాయకులు దిక్కులు చూస్తున్నారు. ఏ నిరసనైనా ..ఏ గొడవైనా వెంటనే బలయ్యేది మాత్రం ఆర్ టీ సీ బస్సే..అదేంటో పాపం. పగిలిన/కాలిన బస్సులు చూసి చూసి ఎప్పుడో చిన్నప్పుడు రాసుకున్న కవిత
బస్సు ఆవేదన
 
సమయానికి గమ్యం చేర్చడం నాలక్ష్యం
కావాలని చెయ్యను ఏనాడూ ఆలస్యం

నింపుకుంటూ ట్యాంకు నిండా డీజిలు
చేస్తూ పోతా ప్రతి చోటా మజిలీలు

నే తడతాను ప్రతీ గ్రామం తలుపు
నిను తిరుగుతాను ప్రతీ చిన్న వూరి మలుపు

నే తట్టుకుంటా జడివానా వడగాలులని
నే కోరుకుంటా నా ప్రయాణికులంతా క్షేమంగా జేరాలని

కులమత బేధం, జాతి వివక్ష లేదు నాకు
అందరినీ సమంగా చూడడం లో లేదు సాటి నాకు

ఇంత చేసిన నేను ఎప్పుడైనా పది పైసలు పెంచమంటే

పగిలేను నా అద్దం
అది ఎనిమిది కుటుంబాల ప్రారబ్ధం
(ఒక బస్సు మీద ఎనిమిది కుటుంబాల జీవితం ఆధారపడుతుంది)


ఎక్కడో ఏదో జరిగితే చేస్తారు నా వళ్ళు హూనం
అది నీకూ నాకే కాదు యావజ్జాతికీ అవమానం

-------------
మా నాన్న గారు ఆర్ టీ సీ లో పని చేసి రిటైర్ అయినారు..న్యూస్ చానెల్ లో పగిలిన బస్సు చూసినప్పుడల్లా ఆయన కళ్ళలో కనిపించే నీటిపొర చూసి .. ఇది రాస్తున్నా...నా మీద కోపమొస్తే నన్ను తిట్టండి...మరో బస్సు మీద మీ ప్రతాపం చూపకండి.




REFRESH YOUR MINDS WITH
http://funcounter.info

1 కామెంట్‌:

Satyadhyan Haritas చెప్పారు...

చాల చక్కగా రాసారు ... నూటికి నూరు పాళ్ళు నిజం.... అవరికి కోపం వచ్చినా ముందు ఆర్ టీ సీ బస్సు మీదే దడి చేస్తారు...

LinkWithin

Related Posts with Thumbnails